Kerala : Riyasat kerala mein ek aurat ne kuch aisa kiya jis se is ka shohar pareshan ho gaya. is aurat ko ghar mein ek khaali copy note book mili. Jis ko uss ne telephone Directory bana diya aur is mein ration ka samaan likh diya. baad mein pata chala ke woh koi copy note book nahi balkay is ke shohar ka passport tha. shohar ne passport khol kar dekha to uss ke hosh ud gaye. passport ke under ration ke samaan ki list aur rishte daaron ke phone numbers likhay hue they .
Gharelo khawateen ghar ka hisaab kitaab likhti hain taakay kuch bhool na saken. kerala ki mazkoorah khatoon ne bhi kuch aisa hi kiya. is khatoon ne passport ke shuru ke safhon par phone numbers likhay. jis ke baad is ne pichlle safhaat mein shopping list banadi. is khatoon ko laga tha ke yeh ek copy hai .
Halaanke, viral video mein is ka shohar keh raha hai ke woh passport purana tha aur kisi kaam ka nahi tha. magar phir bhi yeh chonkanay wali baat hai .waisay yeh koi naya waqea nahi hai, ek aur waqea mein 1 shakhs ko airport se is liye wapas lautna pada ke uss ke passport par iske betay ne apni kalakari dikhayi thi. yani kuch Drawing banaya tha. kyunkay passport par kuch bhi likhna ghalat hai .