Riyadh: Saudi Arab ke ilaqay Jazan mai ek bairooni mulk ke shakhs ney apni ahliya ko wehshiana tashadud karkay ghar se nikaal kar sadak par pheink diya. Tafseelaat ke mutabiq Jazan ilaqay ki Al Darb commissioner Police ney kaha hai ke biwi par tashadud karne walay Asiayi banshenda ko giraftar karliya gaya hai. Is ney kholtey huve pani se biwi ke jism ko jala diya tha.
Police zaraye ke bamujab ke Asiayi shehri ney jo is ke 3 bachoun ki Maa bhi hai wehshiana tashadud kiya. Is ke jism par kholta huwa pani dala. Itna hi nahi balkay jism ke mukhtalif hissoun par jalti huvi istri bhi chalaye. Biwi ke sar ke baal moanday aur aakhir mein usay ghar se dhaka day kar sadak par pheink diya. Police ney Asia shehri se pooch taach shuru kardi hai. Tehqiqati karwai mukammal karkay usay qanooni karwai ke liye public Prosecution ke hawalay kardiya jaye ga.
Social Media par khabar Viral honay Aisa par tarikeen watan aur Saudi shehrioun mein bhi gham o ghusse ki lehar daud gayi. It-tila-aat ke mutabiq mutasirah khatoon baday mushkil halaat se guzar rahi hai. Is ke paas rehne, Khanay pene tak ka intizam nahi. Tashadud ke ba-as is ka jism jagah jagah se zakhmi aur jhalsa huwa hai. Saudi qanoon ke bamujab gharelo tashadud qanoonan jurm hai. Is par ek baras tak qaid, 50 hazaar Riyal tak jurmane ki saza muqarrar hai.