Hyderabad: In dinoun judwan shehron Hyderabad aur secunderabad mein Birth aur Death Certificate ka husool ek bohat bada Maamla ban chuka hai, Kyunkay aap jab tak unwan aala ohdedaron ki madad se muawnat karne walay maavnin ke jaib garam nahi karte.
Agar aap 3,000 rupay tak ada karne ko tayyar hain to aap baghair waqt gawaion birth aur death ka Certificate haasil kar saktay hain. Basorat deegar woh is mein shaamil kaam ki out sourcing ki wajah se takheer ka hawala dete hain aur aap ko apne ird gird chakkar laganay par majboor karte hain.
Birth aur death Certificate ke muamlay mein badhti hui be-zabtgiyan aur bohat se khandano ki janib se ghair-qanooni tor par raqam ada karne mein na pasandeedgi ke paish-e-nazar mutaliqa hukkaam ne 6 mah se ziyada arsa se mutaliqa faailun bad-unwaan ohdedaron ne sehat ke maavnin ko mamlaat tay karne darmiyani raabtey ke tor par istemaal kiya hai. Aam halaat mein shehrion ko darkhwast jama karwanay ke 15 din ke andar paidaiesh / mout ki sanad haasil hojati hai taham, bad unwaan anasir ne paidaiesh aur mout ke sanad ke husool ke maslay ko aamdani ka ek behtareen zareya bana liya hai.
Nilofer hospital mein jahan ek sarkari sahoolat mojood hai lekin yahan paidaiesh aur mout se mutaliq 5,000 se ziyada darkhwaston par 6 mah se ziyada arsa guzar janay ke bajod koi paish raft nahi hui hai. Kuch shehri sarkari dafatir mein ghoomnay phirnay ki zaroorat se pareshan hain aur woh is masail ke bajaye woh apne Certificate haasil karne ke liye jaybou ko garam karne ko tarjeeh dete hain.
Aisay shehri apne Certificate haasil karne ke liye ek hazaar se lekar teen hazaar rupay tak ki raqam ada karte rahay hain. Charminar dairay mein 6,000 se ziyada darkhwasten 6 mahino se zair iltiwa hain. iske bar-aks agar mamlaat sahih channel ke zareya atay hain to cheeze taizi ke sath sath daur daraaz tak muntaqil hoti hain. kaarvaan circle ke ek aala ohdedar ne is shakhs ko mout ka Certificate diya jo is waqt Dubai mein kaam kar raha hai. maamla is waqt manzar-e-aam par aaya jab kuch afraad jinhon ne Dubai mein kaam karne walay fard ka death Certificate ka ghalat istemaal karne ki koshish ki taham dubai mein kaam karne walay shakhs ke rishta daaron da hataon range gay kya yeh bud unwani ki intahaa nahi hai ke jo muamlay saaf aur shafaaf hain un ki mout aur paidaiesh ki sanad waqt par nahi millti jabkay jo shakhs Dubai mein mulazmat injaam day raha is ka bah aasani death Certificate jari kardiya gaya hai.
Is ke alawa GHMC ke kharitabad circle mein ohdedaron ne 1 shakhs ke bachay ko pedaishi mazoor honay ka Certificate jari kya. Greater Hyderabad municipal corporation ne out source staff ko paidaiesh aur mout ke Certificate jari karne ka kaam sompa hai. Is ka faida uthatay hue kuch ohdedar bud unwani mein mulawis hain. abhi tak kam az kam 10 sehat maavnin ke khilaaf muqadmaat darj kiye gaye hain jinke baray mein khayaal kya jata hai ke unhon ne apne aala ohdedaron ke kehnay par rishwat aur bad unwanyon ka bazaar garam kar rakha.