New York: Apne daur ka sab se Maroof muashuqa ab parday ki zeenat ban’nay jaraha hai. Amrici sabiq saddar Bill Clinton aur White House ki mulazim monica lewinsky ka maashuqe har zabaan par zad aam raha tha jo 22 saal pehlay hua tha lekin ab khabar hai ke un dono ke maasihqon par film banaygi.
Amrici entertainment idaara fox monica lewinsky aur Bill Clinton ke darmiyan maasuhqe aur sabiq Amrici sadar ke khilaaf mawakhze ki karwai par film banayega. tafseelaat ke mutabiq sabiq wazeer kharja Hillary Clinton nay kaha hai ke agar mein nay zindagi mein koi sab se bahaduri wala kaam kiya hai to woh shohar Bill Clinton se Talaq nah lena hai.
Hillary Clinton ki beti Chelsea Clinton ke sath Amrici nashriyati idaray ABC ke morning show ka hissa banin jahan beti ke hamrah kitaab ”The Gutsy woman “ ki tashheer ke liye aayi thi. show ki mezban nay Hillary se sawal kiya ke unhon nay beti ke hamrah kitaab tehreer to ki lekin khud zindagi mein aisa kiya kaam kiya hai jisay woh jurat mandana samjhti hon is par unhon nay kaha ke haqeeqatan baat ki jaye to shadi shuda rehna aur Talaq nah lena mera ek jurrat mandana kaam hai.
Is mauqa par sabiq saddar Bill Clinton aur Hillary Clinton ki beti Chelsea Clinton nay kaha hai ke mujhe apni maa par fakhr hai aur inhen unka jawab be had pasand aaya. yaad rahay ke Bill Clinton aur White House ki mulazim monica lewinsky ke maashqe ka scandal 22 saal purana hai taham unka muashaqa aalmi media ki khabron ki zeenat bantaa rehta hai. 1997 mein romanvi taluqaat qaim hue jab Bill Clinton dosray dour ke aakhri 3 saal guzaar rahay they, Clinton 1993 se 2001 tak America ke 42 sadar muntakhib hue they.
Monica lewinsky nay graduation ke baad 1995 mein 21 saal ki Umar mein mulazim ke tor par White House mein shamoliat ikhtiyar ki thi, Bill Clinton ki Umar 49 saal se zayed thi aur ahliya Hillary Clinton ke sath sarkari rahaish gaah mein rehtay they.
Yaad rahay ke White House ki sabiq mulazim ke mutabiq un ke aur Bill Clinton ke darmiyan ek saal se zayed arsay tak bahami razamandi ke sath jinsi taluqaat qaim rahay, is khabar ke samnay anay ke baad bhi Hillary Clinton nay apne shohar Bill Clinton ka sath diya. –YTN STAFF