Patna: Wazeer-e-Azam Narendra Modi Bihar mein 12 Rallies se khitaab karen ge jahan 3 marhala Assembly intikhabaat 28 ek October ku shuru hon ge. Jummay ko press conference se khitaab karte hue BJP ke senior rehnuma Devendra Fadnavis ne kaha ke Wazeer-e-Azam pehlay marhalay mein 23 October ko Sasaram, Gaya aur Bhagalpur mein Rallies ki se khitaab karen.
Chief Minister Nitish Kumar aur NDA ki ittihadi jamaaton ke deegar rehnuma Modi jin Rallies se khitaab karen ge un Rallies mein shareek hon ge. BJP ke Bihar ke intikhabaat ke incharge Devendra Fadnavis ne kaha 28 October ko Wazeer-e-Azam Narendra Modi Darbhanga, Muzaffarpur aur Patna mein jalson se khitaab karen ge. Wazeer-e-Azam yakam November ko Chapra mashriqi Champaran aur Samastipur mein jalson se khitaab karen ge. Unhoun ne mazeed kaha ke Modi 3 November ko maghribi Champaran, Saharsa aur Forbesganj mein jalsa aam se khitaab karen ge.
Devendra Fadnavis ne kaha ke qareebi mehdanon aur Assembly halqon mein Screening lagai jayen gi. Aur un Rallies mein ijtimai faslati usoolon ko yakeeni banaya jaye ga. Unhoun ne kaha Rallies mein logon chehray ke mask pahannay ke sath ke ilawa Sanitizers ke intizamaa ka bhi ihtimaam kiya gaya hai. Union ke wazeer Ravi Shankar Prasad, Jo press conference mein bhi mojood thay unhoun ne opposition RJD par tanqeed karte hue kaha ke khauf, Lootmar aur bud unwani ne is ki hukoomat ko nishaan zad kiya. Yaad rahe ke Bihar ke 243 nashiston ki Assembly intikhabaat ke liye 3 marahil mein 28 October, 3 November aur 7 November ko vote daaley jayen ge jis ke baad ginti 10 November ko hogi.