Mumbai : TV reality show ”Bigg Boss 13“ko shuru hue abhi sirf 2 haftay hue hain, lekin yeh show ek ke baad ek tanaza ka shikaar horaha hai. is show par rok lagane ke mutalibaat ke sath hi ab is show ke khilaaf ehtijaj bhi shuru hogaya hai. police ke mutabiq, karni sena ke kaarkunoun sameit deegar muzahireen ke ek group ne jummey ko maghribi Mumbai ke bandra mein waqay adakar Salman kaan ki rehaish gah ke bahar ehtijaj kiya tha. police ne is ehtijaj ke douran 20 afraad ko giraftar kar liya hai, aur Mumbai police ne Salman Khan ki rehaish gaah ke bahar security mein izafah kar diya hai.
All India merchants confideration sameit mutadid tanzeemon ne show ke qabil-e-aiteraaz concept par aiteraaz karte hue is par pabandi aaed karne ka mutalba kiya hai. kuch logon ne yeh bhi ilzaam lagaya hae ke show mein dikhaaye janey walay manazair hindustani Saqafat ke manafi hain. film ”Padmavat“ ki mukhalfat ki wajah se manzar aam par ane wali’ karni sena’ ne big boss programme ke khilaaf shikayat ki hai. is shikayat ke paish-e-nazar Mumbai police ne show ke mez-baan Salman Khan ke ghar ke bahar security sakht kardi hai. –YTN STAFF