Hyderabad: CLP rehnuma Mallu Bhatti Vikramarka ney itwaar ke roz Telangana hukoomat par ilzaam lagaya ke Riyasati Hukoomat aab paashi projects ko azsar no shakal dainay ke naam par awam ki raqam lout rahi hai. Unhon ney kaha ke voh is silsila mein markazi Wazeer e Dakhila Amit Shah se mulaqaat karen ge. Aur aab paashi project mein ki janey wali be quaidgiyaoun ki tehqiqaat ka hukum dainay par zor dete huwe aik yad dasht paish karen ge.
Vikramarka ney apne halqa assembly Madira mein media numaindon se khitaab karte huwe ilzaam lagaya ke commission lainay ke liye Kaleshwaram lift aab paashi project ki laagat 28,000 crore se badha kar 80,000 crore rupiye kar di gayi hai.
Unhon ney yeh bhi ilzaam lagaya ke zila Khamam se Sita Rama project ke takhminay ko bhi 1500 crore se badhhakar 15000 crore rupiye kar diya gaya hai. Unhon ney kaha kay un ki party ney aab paashi projects ki taamer ke muamlay par reyasti hukoomat ko be naqaab karne ke liye peer se aik pad yatra nikaalte ka faisla kya hai.