Duniya ke har maa baap aulaad se be intahaa mohabbat karte hain aur woh din raat un ki khushiyo ke liye apni tawa naiya sirf karte hain lekin walidain ko basa auqaat aulaad ki andhi mohabbat mein dohray nuqsaan uthana parta hai jahan inhen aulaad ki judai ka gham bardash karne ke alawa maali nuqsaan aur samaaj mein waqar ka nuqsaan bhi bardasht karna parta hai aur aisa he ek waqea Hyderabad mein paish aaya hai jahan ek naujawan sadak haadsey mein apni jaan ganwaa betha aur uski maa ke khilaaf muqadma bhi darj karliya gaya hai .
ALSO READ:-Tiger Woods car haadsay mein shadeed zakhmi
tafseelaat ke bamujab Gachibowli police ne 19 sala naujawan yogesh sagara ki walida ke khilaaf muqadma darj kiya hai jo pichlle mahinay ek sadak haadsay mein jaan bahaq hua tha. Maa ke khilaaf muqadma is liye darj hua kyuke woh apne bête ko baghair driving license ke gadi chalanay ki ijazat de thi jo ke qanoon ki khilaaf warzi hai. Concrete mixer truck ke scooter se takaraane ke baad sagr ki mauth hogayi. Police ne sagr ki walida G.Geeta Rani ko bhi book karne ke alawa truck driver aur uske maalik Kamala Reddy ke khilaaf mujremana qatal ka bhi muqadma darj kiya hai. Police ne kaha hai ke Bhumiya ne bhaari gadi ko taiz raftaar aur mamnooa waqt ke douran chalaya tha, jis se yeh haadsa paish aaya tha jis ke Padaash mein usay girftar karliya gaya. Yeh haadsa 23 feb ko Gachibowli ke masjid Balda ke qareeb paish aaya tha jahan Bhumiya ke zariye chalaye jane walay truck ne is naujawan ko kuchal dala.
City police baarha awam ko yeh mahswara aur hadaayat day rahi hai ke woh –apne kamsin bachon ko gadi chalanay ki ijazat nah de aur agar koi haadsa paish aata hai to walidain ke khilaaf bhi muqadma darj kiya jayega aur mazkoorah baala waqea mein yeh hi hua kyuke Yogish ko baghair licence ke gadi chalanay ki is ki walida ne ijazat di thi aur woh haadsa ka shikaar hogaya .