Bengaluru. Bengaluru ke Bowring Institute mein lockers ki adam dasteyabi ki mamool ke mutabiq aik shikayat par ki gayi karwai mein chonkadine wala inkishaaf sun-hwa aur teen lockers se 500 crore rupay maliyat ki naqd raqm, qimti ashya, bank aur zameen ki dastawizaat baraamad huien. Club ki shikayat par Income Tax ke ohdedaron ne zakheera ko zabt karliya aur raqam ke zaraye ka pata chalanay tehqeeq ka aaghaz kardiya. Club ke Badminton aur Squash Incharge Sandeep ne chand workers ke sath mil kar jumaraat ke din aik arsa se zair istemaal nah rehne walay lockers ko toda tha aur lockers numbers 69, 71 & 78 mein 6 zipper-lock walay Bags rakhay hue thay. Amlah ne Institute ke secretary H. S. Srikanth ke ilm mein yeh baat layi, chunkay shaam hochuki thi is liye Police ko mutala kardiya gaya. Srikanth ne bataya ke chunkay lockers din dhaly khole gaye thay, is liye hum ziyada kuch nahi kar sakay. hum ne dekha ke is mein kuch naqad raqam hai is liye hum ne Police ko mutala kardiya. Koi khatrah nah letay hue Institute ke hakkaam ne Police ke sath Income Tax ohdedaron ko mutala krdyajs ke douran rqomat ka zakheera bar aamad sun-hwa. Bags kholnay par ohdedaron ne paaya ke 3.73 crore rupay maliyat ki do hazaar rupay qadar ki currency Notes aur bairooni currency aur 500 rupay qader ki17 lakh rupay maliyat ki Notes thay. IT ohdedaron ne lockers se bar aamad 6 Bags zabt karte hue naqad, 7 taa 8 crore rupay laagat ke heere, 650 gram wazan ke talai biscuits, 50 lakh rupay maliyat ki do qeemti ghadiyaan aur Bengaluru ke muzafaat Dewanhalli aur Begure ilaqa ke atraaf zameenat ke mamlaat se mutaliq dastawizaat ki inventory tayyar ki. is ke alawa Bags mein blank cheques, 50 crores, 30 crores aur 15 crores waghera qader ke be-tareekh cheques bhi maujood thay. Srikanth ke mutabiq dastakhat shuda cheques par mushtamil aik mukammal Cheque Book bhi thi. Darin asna ohdedaron ko un ke aik rukn ki ghair mamooli darkhwast mousool hui jo Institute mein paish aaye waqeaat se aagah ho chukay thay. Srikanth ne kaha ”aik rukn Avinash Amarlal Kukreja ne id-daa kya ke woh Bags un ke hain. unhon (Avinash) ne darkhwast ki ke mein dastawizaat un ke hawala kardoon aur naqad raqam aur qeemti ashya apne paas rakh le sakta hoon basoorat deegar is ke waalid tumhe qatal kar dein ge.” Srikanth ne Institute ka record mulahiza karne ke baad paaya ke Avinash Bowring Institute ka 1993 se rukn hai aur Bangalore Club ki bhi rukniat rakhta hai. Srikanth ne inkishaaf kya ke woh banglore Club ko baqaida aaya karta tha jabkay woh Bowring Club mein shaed hi dekha gaya tha Albata un ki maa Kiran Amarlal apne doston ke sath Bowring Institute baqaidagi se aaya karti hain.