Kolkata: Maghribi Bengal mein police ne mangal ko’ All India Majlis-e-Ittehadul Muslimeen ( AIMIM ) ke rehnuma Zameer Al Hasan ko guzashta haftay janoobi Kolkata mein ghair qanooni, Road ki naka bandi ke case mein giraftar kiya.
Jummay ko park circus ilaqay mein ghair qanooni naka bandi mein hissa lainay par zameer Al Hasan ko unki rahaish gaah se giraftar kiya gaya. Aur un par tazirat hind ki daf-aat, 143 ( ghair qanooni Assembly ), 283 ( awaami tahhaamul ), 341 ( Ghalat pabandi ), 120 bi ( Mujremana saazish ) aur 353 ( Sarkari mulazim ko apna farz ada karne se roknay ke liye hamla ya mujremana qouvat ). ke tehat muqadmaat darj kiye gaye hain.
AIMIM, ke zaraye ke mutabiq, Unke reyasti rehnuma Anwar Pasha ko bhi mashriqi Midnapur zila ke baldia se giraftar kiya gaya tha, Jabkay kuch deegar sargaram membraan ko barhum aur deegar azlaa se uthaya gaya tha.
AIMIM, Ke zaraye ke grftaryoun ko siyasi intiqami karwai qarar diya hai. Rawan mah ke shuru mein media se baat karte hue Husan ne, Police par Mamata Banerjee ki hidayat par apni party ke kaarkunon ko giraftar karne aur dhamka ne ka ilzaam aed kiya tha. AIMIM, Kolkata ke Bridge Ground mein rally ka ineqad karkay riyasat mein baday pemanay par party ko launch karne ka mansoobah bana rahi thi, Jahan is ke sarbarah Asaduddin Owaisi mojood they.
Pichlle mahinay se, Mamata Banerjee, AIMIM ke khilaaf saf aaraa hain aur musalmanoon par zor day rahi hain ke wo aisi party par aetmaad na karen, jo BJP ke sath hai.
Tajzia karoun ka khayaal hai ke AIMIM ka riyasat mein daakhil hona Banerjee ki zair qayadat Trinamool congress ke vote bank ku aise waqt mein rokk sakta hai, Jab Bengal ki hukmaran jamaat aqliati baradri ki umeed kar rahi hai. –YTN STAFF