Beirut: Beirut dhamako ke baad is maqam ki taamer no mein har koi apna hissa ada karne mein masroof hai chahay wo infiradi noiyat ko ya phir ijtimai noiyat, Ye hi nahi balkay khangi aur sarkari tor par bhi mukhtalif tanzmen aur mumalik ki janib se imdaad ki infiradi aur ijtimai koshishen jari hain. Beirut dhamako ke baad muqami shehri bhi madad karne mein masroof hain. Aur ab un mein hair styles bhi imdadi kamon mein shaamil ho chukay hain jo kay kam qeemat mein balon ki Cutting aur sajawat karen ge is se haasil honi wali aamdani ko Beirut ki taamer no par kharch karen ge.
Mutahidda Arab Emirate ke naamwar Hair stylists ny haal hi mein Hair Cutting se haasil honay wali raqam imdadi idaray Lebanon Red Cross ko atiyah karne ka elaan kiya hai. Bain ul Aqwami shohrat yafta company Loreal ki safeer Natalie GERSCHTEIN’S ny kaha hai ke awam ki khawahish par ais iqdaam ka aaghaz kiya hai taakay is mushkil ghadi mein Lebanon ki madad ki ja sakay.
Loreal ke bamujab 28 se 31 August tak Dubai aur Abu Dhabi mein naamwar Hair Stylist kam qeematon mein balon ki Cutting aur Styling ki khidmaat faraham karen ge. Instagram par shaya bayan mein kaha gaya hai ke is teen roza Events se jama ki jany wali gayi raqam Beirut ki taamer no ke liye istemaal ki jaye gi. Un tamam khidmaat ka ihtimaam Loreal aur Eideal Academy mein kiya gaya hai aur maqam ko muntakhib karne ka maqsad ye hai ke Eideal Academy ki Beirut mein waqay Branch dhmakon ke baad mukammal tabah ho gayi thi. Yaad rahay ke Beirut dhmakon mein 180 se zayed afraad halaak aur hazaron zakhmi hue jabkay teen lakh se ziyada be ghar huve hain.