Hyderabad : Apne zila mein behtareen constable honay par yom-e-azaadi par award milnay ke ek din baad hi police constable ko rishwat letay hue rangay hathon pakda gaya. Anti corruption Bureau ( ACB) nay jumme ke roz Telangana ke Mahboob nagar zila mein rait dealer se 17000 rupaye rishwat lainay par P. Tirupati reddy ko girftar kar liya.
Mahboob nagar ke I town police station mein tainaat, constable mubayyana tor par rait dealer Mudawat Ramesh ko tractor zabt karne ki dhamki day kar harasan kar raha tha. police ahelkaar nay Mudawat Ramesh ko dhamki di thi ke agar woh raqam ada nahi karta hai to usay jhutay muqadmay mein phansayega. iske baad Mudawat Ramesh nay anti graft agency mein shikayat darj karayi, jis naay ek jaal bichhaya aur constable ko rangay hathon pakad liya.
ACB ney reddy ko girftar kya aur usay ACB ki khusoosi adalat mein paish kiya. sirf ek din pehlay reddy ko apni lagan aur mehnat ke liye behtareen constable ka award mila tha. Yom-e-azaadi ki taqrebaat ke douran unhon nay yeh award wazeer srinivas se hasil kiya tha. –YTN STAFF