Patna: Behar ke Muzaffarpur zila mein 7 decemeber ko esmatdarri ki nakaam koshish ke bad mulzim ki janib se aag laga dainay ke waqea mein jal janay wali 23 sala khatoon ki peer ki raat mout ho gayi. 80 feesad jal chuki is khatoon ka Patna ke Appolo hospital mein ilaaj chal raha tha. Is douran is ki mout hogayi.
Mutasirah ke lawahiqeen ne bataya ke peer ki raat taqreeban 11.40 bajey khatoon ki mout hogayi. Muzaffarpur zilai intizamia ne khatoon ke ilaaj mualja ke tamam akhrajaat bardaasht karne ki yaqeen dehani karai thi. Mutasirah ke lawahiqeen ke mutabiq, Iske aakhri alfaaz they, Mai insaaf chahti hon“. Jis shakhs ne ye jurm kiya hai, Usay phansi di jani chahiye“.
Mazkorh khatoon ki mout ki khabar se Muzaffarpur zila ke is gaon mein soog ka mahol hai. Mutasirah ko Raja Rai nami shakhs ne aghwa kiya tha, Jis ne 7 decemeber ko esmatdarri ki koshish ki. ladki ki janib se mukhalifat karne par is par matti ka tail daal kar is ko aag laga diya tha.
Muzaffarpur ke Aiyapur police station mein darj FIR ke mutabiq, Jab khatoon ke sath mulzim is harkat ki koshish kar raha tha, Is waqt khatoon ke sath uski na baligh bhateeji aur bhateeja bhi they. Khatoon ki janib se mukhalifat ki wajah se esmatdarri mein nakaam honay par mulzim ne is par matti ka tail daal kar aag laga diya tha. Police ne fori karwai karte hue mulzim ko giraftar kar liya. –YTN STAFF