Dhaka: Bangladesh Cricket Board ( BCB ) ney Fast Bowler Mustafizur Rahman ko Indian Premier League ( IPL ) 2020 mein khailnay ki ijazat nahi di hai. BCB ke Director yeh ittila di hai. Gumaan kiya ja raha ke Kolkata Knight Riders ( KKR ) ney Mustafizur Rahman mein dilchaspi zahir ki thi lekin BCB ney inhen Tournament mein khailnay ki ijazat nahi di hai.BCB cricket operations chairman Akram Khan nay kaha ke Bangladesh ko IPL mein khailnay ki ijazat nahi hai. Bangladesh Board ki janib se Mustafizur Rahman ko rawan Season IPL mein shirkat ki ijazat nah diye jany ki ahem wajah Sri Lanka ka dora jo ke October. November mein muqarrar hai. IPL ka ineqad 19 September se 10 November taq Mutahidda Arab Emarat mein hoga.
Akram Khan ny mazeed kaha hai ke Mustafizur Rahman ko IPL mein khailnay ki pesh kash ki gayi thi lekin anay walay mahinay mein team ka dora hai jis ki wajah se hum inhen is Tournament mein khailnay ki ijazat nahi day satke hain. Woh hamaray ahem khiladi hain aur aane wali Series bhi bohat ahem hai. Mustafizur Rahman ke IPL mein shirkat ka Record dekha jaye to unhoun ny Mumbai Indiens ke liye aakhri martaba IPL 2018 mein numaindagi ki thi aur is season mein unhoun ny apni team ke liye saat muqablon mein shirkat ki thi aur is mein 32.85 ki osat se 7 wickten haasil kee. Is se qabal 2017 aur 2016 ke Season mein woh Sunrisers Hyderabad ki numaindagi kar chukay hain.