Hyderabad: Bartania se wapas anay walay afraad may Telangana aur Andhra Pradesh se talluq rakhnay walay 2 afraad Naye coronavirus B1.1.7 ke misbet Natayej aaye hain jiske baad ye towseeq hogayi hai ke telugu reyaston mein bhi Bartania ke naye coronavirus se dakhla le liya hai. Naya virus jis ki ittila Bartania mein pehli baar di gayi thi yahan se wapas anay walay dono afraad ke namonon ko center far cellular aur molecular biology ( CCMB ) mein liya gaya.
wizarat sehat aur khandani behbood ( MOHFW ) New Delhi ki taraf se jari kardah ek press release ke mutabiq, majmoi tor per Hindustan bhar se Bartania se aanay walay 6 musafiroun may naye virus ki mojoodgi ki misbet report mili hain. Coronavirus ke naye namonoun se mutasir honay wale 6 afraad mein se teen Neemgins, banglore may teen, CCMB Hyderabad mein do aur ek pauney ke NIV mein reports misbet aayi hain. Riyasat Telangana mein Bartania se wapas aanay walay mutasirah fard ko sarkari dawakhane may khusoosi qarantina ward mein daakhil kiya gaya hai. Reyasti sehat ke ohdedaron ne kaha hai ke misbet report aanay ke baad is mutasirah shaks ke qareebi raabtey mein anay walay afraad pehle hi qarantina mein hain aur unki sehat ki sorat-e-haal par kadi nigrani ki jarahi hai.
Bartania, Denmark , Netherlands, France, italy, spain, Switzerland, swedan, Finland, Ireland, Germany, Ice land, Belgium, junoobi Korea , singapore, Japan, samait 20 se ziyada mumalik mein naye coronavirus ki shanakht pehlay hi hochuki hai jabkay Bartania se shuru honay walay is naye virus se Hongkong, Australia, canada, Israel, Lebanon aur Hindustan bhi ab mutasirah mumalik ki fehrist mein shaamil ho chukay hain.