London : Duniya bhar mein Ba-Hijab khawateen ko kayi masail ka saamna hai jis mein qaid aur jurmane ki sazaoun se lekar samaaj mein imtiazi sulooq aur harasani bhi shaamil hain lekin ab Bartania mein mojood Ba-Hijab khawateen ko to sadkoun par qatal kardiye jaane ka khauf satanay laga hai.
Bartania mein hijaab pahannay wali muslim khawateen ko khadsha hai ke Islamophobia bharne ki wajah se inhen bhi sabiq Bartanwi rukan parliament jo koks ki tarhan sadak par qatal kiya jasakta hai. Bartanwi debalite ki report ke mutabiq wheels se taaluq rakhnay wali ek musalman khatoon sehar ne kaha ke woh hijaab pehannay ki wajah se khauf zada rehti hain.
Ek TV channel ke programme mein guftagu karte hue sehar ne kaha ke inhen khadsha hai ke naraaz safaid faam mard apni nafrat ko musalman khawateen tak phela sakte hain. Apni baat ki wazahat karte hue sehar ne kaha ke jab se boris johnson ne Telegraph mein musalman khatoon ke liye letter box ka lafz istemaal kiya hai tab se inhen safaid faam shiddat pasandoun ki janib se isi lafz se puraka jata hai. khayaal rahay ke Bartania mein TV channel ke is programme ko dekhnay mein takleef da aur afsos naak qarar diya jata hai kyunkay is mein Bartania mein muqeem aqliyatoun ko dar-pesh masail ko ujagar kiya jata hai.
Apne sath rava rakhay jaane walay sulooq ki wazahat dete hue sehar ne kaha hai ke mulazmat paesha afraad ziyada tar safaid faam hain, woh gussa mein hain aur apna gussa muslim khawateen par utaarna chahtay hain. jis cheez ka mujhe sab se ziyada khatrah hai woh jo cokes ki tarhan sadak par maaray jaane ka hai. khayaal rahay ke 16 June 2016 ko ek safaid faam intahaa pasand shakhs ne jo cokes ko sadak par qatal kar diya tha. is qaatil ki shanakht thomas mayor ke naam se hui thi jisne khatoon rukan-e-parliament ko qatal karne se qabal pehlay Bartania ka naara bhi lagaya tha jo dayen baazu ki jamaat ka naam hai.
Sehar ne programme ke douran kaha ke bator musalman khatoon ke liye yahan rehna aaj kal asaan nahi, khususan is waqt jab koi aap ko Daaesh jaisi tanzeem se tashbeeh deta ho. unhon ne kaha ke Islamphobia khatoon se nafrat ki ek qisam bhi hai, mera matlab hai ke is ke ziyada tar qasoor-waar safaid faam aadmi hi hain. is program ke douran ek video clip bhi chalaya gaya jis mein dekha jasakta tha ke ek safaid faam khatoon, Ba-Hijab musalman khatoon par chala rahi hai, usay Daaesh ki rukan qarar day rahi hai aur iske makhsoos hissay ko nuqsaan pohanchanay ki dhamki bhi day rahi hai.
Mazkoorah programme mein yeh bhi bataya gaya ke musalmanoun par honay walay 56 feesad tashadud ke waqeat ki simt musalman khawateen ki janib hoti hai. Bartanwi debalaide ke mutabiq 2017 ke muqablay mein 2018 ke douran mazhabi manafrt ke waqeat mein 40 feesad izafah hua hai jinka shikaar ban’nay walay 50% musalman hi hain.
Yaad rahay ke jo cokes ek Bartanwi khatoon siyasat-daan aur rukan-e-parliment theen jinhein ek musallah shakhs ne be-dardi se west yarkshayr ke ilaqay brestil mein qatal kardiya tha. is hawalay se ek Aini Shahid ne bataya ke jab musallah shakhs ne khatoon rukan-e-parliament par hamla kiya to is waqt woh britain first ( Bartania pehlay ) chala raha tha. inhen qatal se 3 mah qabal nafrat amaiz E-mails bhi mousool hui theen. –YTN STAFF