Hyderabad: Hyderabad mein guzashta chand dinon se honay wali tofani baarisho ne senkadon khandano ko mukammal tabah kardiya hai jabkay barishon ki tabahi shehar ki sadkon ke Infrastructure ko bhi barbaad kardiya hai. Musalsal baarisho ke baad shehar ko bunyadi dhanchay ke muamlay mein sadkon ko bohat ziyada nuqsaan huwa hai. Taqreeban shehar ki 523 kilometer BT aur CC sadkain tabah hogai. GHMC ke mutabiq 146.78 kilometer ki 146.78 kilometer par muheet BT sadkon ke 445 hisson ko nuqsaan pouncha hai. Isi terhan, 376.58 kilometer par phailay huve CC sadkon ke 1211 hisson ko nuqsaan pouncha hai. Jabkay nikasi aabb ki mutadid shikayaat darj ki gayeen. 101 ke qareeb water Drain aur naala ke nuqsanaat ki murammat ke liye 83 crore rupay darkaar hain.
Tanks aur jheelon ki murammat ke liye GHMC ne 54.43 crore rupay ki tajweez bhaije. Wazeer KT Rama Rao ne kaha ke shehar ki sadkon, Nalion, Gandagi ki nikasi aur bejli ki nizaam ko pounchanay walay nuqsanaat ke liye 670 crore rupay ki tajweez hukoomat ko arsaal kar di gayi hai. Transformers ki murammat ke liye 1 crore rupay kharch kiye jayen ge. Mehakma ne 20 crore rupay ki izafi Relief mangi. ab tak HMWSSB ke zareya tabah shuda pumps ki murammat karne par 6 crore rupay kharch ho chukay hain jo pani mein mahsor hogaye hain. GHMC ne ashyae khurd-o-nosh ki farahmi, Imdadi campon, Chanbeen, Aur Machinery ke liye 45 crore rupay kharch kiye.
Guzashta saat dinon ke douran 59 khasta haal imaarton ko masmaar karne ke ilawa 33 dhanchay khaali kardiye gaye hain aur makeeno ko muntaqil kardiya gaya hai. GHMC ke mutabiq gandagi 45 maqamat par jama hochuki hai. Un mein se C and D fazla pehlay hi 25 maqamat par utha liya gaya tha.