Sania Mirza aur Shoaib Malik October mein walidain ban jayen ge
Mumbai: Tennis Star Sania Mirza ka kehna hai ke barah meharbani mere liye betay ki nahi balkay beti ki dua karen. Bharati Tennis Star aur Pakistani Cricketer Shoaib Malik ki ahliya Sania Mirza un dinon umeed se hain unhon ney aur Shoaib Malik ney yeh khabar –apne tamam chahanay walon ke sath social media par bohat mohabbat se share ki thi, yahi wajah hai ke yeh khabar sun kar Pakistani aur Bharti awam mein khushy ki laher daud gayi thi aur ab un ke chahanay walay be cheeni se intzaar kar rahay hain ke un ke pasandeeda khilari betay ke walidain bantay hain ya beti ke, taham Sania Mirza chahti hain ke un ke ghar beti ki paidaiesh ho aur unhon ney tamam logon se kaha hai ke un ke liye beti ki dua karen. media ke mutabiq Sania Mirza ney guzashta roz Mumbai mein aqwam mutahidda ke zair e ihtimaam ”Mujhe haq hai muhim” mein shirkat ki. is mauqa par unhon ney bataya ke inhen bachpan mein logon ki janib se kis terhan Tennis khailnay par tanqeed ka nishana banaya gaya tha. Sania ney kaha ke mein ney 6 saal ki Umar mein Tennis khelna shuru kar di thi aur Hyderabad Deccan mein larkiyon ke itni chhoote Umar mein khailnay ko bohat harangi se dekha jata tha. jab mein Tennis khelti thi us waqt bohat se log mere walidain ko kehte thay ”haan theek hai khailnay jarahi hai lekin kaali hojaye gi dekhna, koi shadi nahi kere ga”. Sania Mirza ney kaha mere waalid mere hero hain unhon ney tanqeed karne walon ki parwah nah karte hue har mauqa par mera sath diya.
Tennis Star ney mazeed kaha hum do bahenen hain aur hamein kabhi bhai ki khwahish nahi hui aaj mein aik kamyaab khatoon hon avrapni zindagi mein bohat si kamiyabiyan haasil kar chuki hon lekin log aaj bhi jab mujh se mlitay hain to kehte hain ke aap ka koi bhai nahi hai aur afsos ka izhaar karte hain avrmjhe dua dete hain aap ka larka hojaye jis par mera jawab hota hai, ”barah meharbani yeh dua mat karo balkay larki hojaye yeh dua karo, kyun aap larke ki dua kar rahay ho.” Sania ney kaha yeh hamaray muashra ki zehniat hai jis se hamein bahar niklana hai. wazeh rahay ke Sania Mirza aur Shoaib Malik October mein walidain ban jayen ge