Dhaka: Bangladesh ke bandar gah walay shehar Chattogram may itwaar ke roz Gas Line dhamakay ke nateejay may kam az kam 7 afraad halaak aur 32 afraad zakhmi hogaye. ohdedar ke mutabiq dhamakay ke nateejay may imarat ke zaireen manzil ka agla hissa girgaya. ohdedaroun ka kehna hai ke Gas phelnay se hue dhamakay ke sabab ye waqea pesh aaya hai.
wazeh ho ke Bangladesh may Gas ke hadsaat aam baat hain. October may Dhaka may Gas Cylinder phatnay se 6 bachoun sameit 7 afraad halaak ho gaye they.Febraury may, Dhaka ke puranay ilaqay may imaartoun ke zareya Gas Cylinder dhamakay ke nateejay may khofnaak aag lagnay se 81 afraad halaak hogaye they. – YTN STAFF