Bangalore : Police ne Bangalore ke Mathikere, Yeshwantpur aur deegar ilaqoun se raat ke auqaat mein logoun ko darane ke ilzaam mein 7 talba ko giraftar kar liya.
Ye sabhi talba Kooky Pedia name youtube channel ke takhleeq-car hain. woh safaid libaas pehan kar aur bhoot bankar paidal chalne walon aur gaadi par sawaar logoun ko rok rahay they, aur dararhe they. ye noujawan RT nagar ilaqon se talluq rakhtay they, lekin mukhtalif collegeoun mein zair-e-taleem they.
Police ke mutabiq, un talba ki giraftari peer ki subah 2 bajey ke qareeb amal mein aayi. muqami logoun ne unki is Harkatoun ke barey mein shikayat darj karai thi ke’ talba logoun ko pareshan kar rahay hain aur inhen bhoot ban kar dara rahay hain“. –YTN STAFF