New Delhi: Tokyo olympic ke liye Hindustan ki medal ki sab se badi umeed pehlwan Bajrang Punia ko mulk ke sab se ba-waqar khel aizaz Rajiv Gandhi khel ratan se nawaza jayega. qaumi khel award ke liye qaim 12 rukni selection panel ne khel ratan ke liye Bajrang ko muntakhib kiya jo aindah aalmi Championship ke liye is waqt Georgia mein tayari kar rahay hain. Bajrang ne is award ke liye muntakhib kiye jaaney par izhaar-e-khayaal karte hue kaha kay mein bohat khush hon ke mujhe khel ratan ke liye muntakhib kiya gaya hai. mein mulk ke bashindon ko yaqeen dilaata hon ke mein mulk ke liye aalmi Championship aur aglay saal Tokyo olympic mein medal jeetoonga. Bajrang ko mulk ka sab se Bada khel aizaz 29 august ko khel ke din Rashtrapati bhavan mein sadar jamhooria Ram nath kovind paish denge.
Bajrang ko is award ke liye muntakhib honay par unke coach aur olympic midlst pehelvaan Yogeshwar dat aur Dron Acharya award coach Ram phal ne khushee zahir ki hai aur kaha hai ke woh aglay saal olympics mein mulk ke liye medal jeetayga. doulat mushtarqa aur asiayi khelon ke gold medalist aur aalmi Championship ke faateh Bajrang ne guzashta saal apna naam khel ratan ke liye muntakhib nah honay ke baad narazgi zahir ki thi aur adalat se rujoo honay ka iradah zahir kiya tha lekin unke coach Yogeshwar ke samjhane par Bajrang ne yeh iradah chodh diya tha. –YTN STAFF