Patna : Bihar mein Rashtriya Janta Dal ( RJD ) qanoon saaz assembly ki party leader rabri devi Muzaffarpur aur aas paas ke azlaa mein dimaghi bukhaar (Acute Encephalitis Syndrome . AES) se Bachoun ki mout ki wajah hukoomat ki ghalti aur laparwai ko kaha aur kaha kay iski akhlaqi zimmedaari letay hue wazeer-e-sahet Mangal Panday ko fouran apne ohda se istifa dedena chahiye.
Rabri Devi ne yahan council ke bahar media se baat cheet mein kaha kay nitish hukoomat ki laparwahi aur ghaltion ki wajah se Muzaffarpur aur iske aas paas ke azlaa mein dimaghi bukhaar se senkdoun bachoun ki amwaat huen hain lehaza iski akhlaqi zimmedaari letay hue wazeer-e-sahet Mr Panday ko fouran istifa dedena chahiye agar woh aisa nahi karte hain to chief minister Nitish kumar ko bila-takheer apne ohda se istifa dedena chahiye.
RJD leader ne ilzaam lagatay hue kaha kay is bemari ki rok thaam ke alawa bemaar bachoun ke mukammal ilaaj ke liye hukoomat ne abhi tak koi intizam nahin kiya hai. dimaghi bukhaar se mutasir bachoun ko khanay ke liye ghiza tak nahi mil padhi hai. rabri devi ne dimaghi bukhaar se bachoun ki hui amwaat se mutaliq wazeer-e-azam Narendra Modi ke bayan ka khaer maqdam karte hue kaha kay mein Modi ke bayan ka khaer maqdam karti hon. unhoun ne oppostion leader Tejasvi prasad Yadav ke nah anay se mutaliq puchiye gaye sawal ke jawab mein kaha kay woh jald hi ayengey. woh baithe hue nahi hain balkay apne kaam mein lagey hue hain. –YTN STAFF