Hyderabad: Baap aur beta k eek mazboot rishta hota hai aur kisi bhi beta ki badi kamyabi mein waalid ki parwarish ka ahem kirdaar mana jata hai lekin aisa dard naak waqeam bohat hi kam hota hai jaha mamumli baat per koi baap apne masoom betay ka aag laga day.
Betay ki sahih taleem haasil na karne par barham ek sharaabi baap ne guzashta raat yahan Kukatpally housing board mein apne 10 sala betay ko aag lagadi.
R.charan court kukatpally ke ek sarkari school mein chhati jamaat ka taalib-e-ilm hai jo kay apne khandan ke sath KPHB colony mein mandal parishd school ke qareeb ek jhonpadi mein rehta hai. police ke mutabiq raat 10 bajey ke lag bhag Charan ka baap baalo jo kay painter hai woh ghar wapas aaya aur isne dekha ke ladka TV dekh raha hai jis par woh usay dantnay laga.
Is ne sab se pehlay Charan ko cigrette ka packet lainay ke liye qareebi pan shop par bheja. Wapas atay hi baalo ne ladke ko thapad mara aur danta aur kaha ke woh achi tarhan se taleem haasil nahi kar raha hai aur tution ko bhi baqaidagi se nahi ja raha hai. apni biwi ke roknay ke bawajood baalo ne usay ghar se bahar ghaseet kar sadak par le aaya.
Police ne kaha ke phir is ne Tripan tile ki ek bottle li aur ladke par usay chidak diya aur aag lagadi. Charan aag lagtay hi bhagnay laga aur chand meter ke faaslay par ek gadhay mein phisal gaya, Isi waqt iski walida, behan aur hamsaaya is ke bachao ke liye pahonch gaye aur pani se shulon ko buja diya. Charan ko fori tor par gandhi hospital laya gaya jahan unki haalat tashweesh-naak batayi jati hai. Ek shikayat ki bunyaad par KPHB police ne muqadma darj karkay baalo ko tehweel mein le liya hai.