Hyderabad Cricket Assocation ( HCA) haliya dinon mein surkhiyon mein raha hai jis mein ziyada tar khabrain manfi hi rahi hain jis mein khud saddar ka tweet bhi qabil zikar hai jis mein unhon ne Hyderabad ki IPL team mein Hyderabadi kisi bhi khiladi ki adam shamoliat par afsos ka izhaar bhi kiya lekin Gymkhana ground par Azharuddin ke nojawan khiladion ki tarteeb kaafi maqbool ho raha hai .
Mohammad Azharuddin test cricket ke safaid libaas mein nazar aaye. Hindustani sabiq captain jo ab Hyderabad Cricket Association(HCA) ke saddar hain woh under 19 Khiladiyo ke sath Gymkhana ground mein practice karte nazar aaye. Twitter par baat karte hue Azharuddin ne kaha yeh ibtidayi shaam hai. Vinoo Mankad trophy ki tayario ke hissay ke tor par hyderabad se ane wale kuch ache 19 talent ke sath Gymkhana mein net sessions ko mein sab se ziyada pasand karta hoon. Net session ke baad mein ne Lakdo ke sath baat cheet ki taakay khail ki ehmiyat ko wazeh kiya jasakay.
ALSO READ:-Team ke intikhab mein dhandli, Hyderabad cricket association ke khilaaf shikayat
Azharuddin ne ek tasweer shaya ki jis mein woh pad pehnay hue khiladion se baat cheet ki karrahe hai. Haliya dinon mein hyderabad ki team ke intikhab ki wajah se tanaza khada hua hai. Taweel altawa apex council ka ijlaas mangal ki seh pehar kiya ja raha hai aur jis mein woh under 19 selectors samait mukhtalif umoor par tabadlah khayaal karen ge jis mein guzashta season ke panel ke sath jari rehna hai ya panch naye selectors namoojed karna bhi shaamil hai.
Is tanaza ka aaghaz is waqt hua jab senior team ka intikhab vijay hazare one day tournament ke liye kiya gaya jis mein sirf do selectors Arvind Shetty aur Anwar Ahmed the. Is ke baad tanazeya peda hua ke mustahiq khiladion ko nazar andaz kiya gaya jis ke nateejay mein Gymkhana ground mein ehtijaj bhi hua.