New Delhi: Hindustani cricket team ke captain Virat kohli team ke run machine, duniya ke number ek test aur ODI batsman, captain ke tor par match jeetnay mein sab se agay lekin phir bhi bator captain woh nakaam hain aur unki nakami MS Dhoni ke record se bhi kharab hai jabkay is munfarid record mein sabiq captain Mohammad azhar uddin sab se agay hain. kohli bhallay hi hindustani cricket team ko ek alag maqam par pohanchanay ki koshish kar rahay hon lekin baaray tournaments mein woh musalsal nakaam saabit ho rahay hain.
ICC Tournaments mein kohli ki captani ka record kaafi naaqis hai, jo unke captani par daagh ke manind nazar aaraha hai aur mustaqbil mein unke liye mushkilaat bhi paeda karsaktha hai. ICC Tournaments ke knock out matchon mein hindustani team ki mayoos kin karkardagi kohli ki captani par ek daagh ban rahi hai. kohli ki captani mein team ICC Tournaments ke teen knock out match khail chuki hai, jis mein sirf woh ek match hi jeeti hai aur do mein is ko shikast mili hai. kohli ki captani mein hindustani team ICC champions trohy 2017 mein Semi final to jeeti thi lekin final mein usay Pakistan Pakistan ke khilaaf shikast hui thi. wahein world cup 2019 mein team Semi final mein Newzea Land se match ganwaa kar tournament se bahar hui.
Kohli ki captani mein team ney ab tak koi bada Tournament nahi jeeta hai, jiski wajah se unki captani par sawalaat uthnay laazmi hain. agar MS Dhoni ki captani se kohli ka mawazna kiya jaye to Dhoni ney 16 muqabloun mein se 11 knock out match mein kamyabi haasil ki aur paanch mein team ko shikast bardasht karni padi. sab se ziyada 14 knock out match jeetnay ka record Mohammad Azhar uddin ke naam hai. haal hi mein media mein aisi khabrain aayi theen ke team ke kuch khiladi kohli ki captani se naraaz hain. world cup se bahar honay ke baad team ke ijlaas mein kuch khiladiyoun ney inhen qiyadat se hataane tak ka mutalba kardiya tha. halaanke un khabroun ki tasdeeq nahi hopayi hai. ab kohli ke paas aglay saal khud ko saabit karne ka mauqa hoga. saal 2020 mein honay walay T20 world cup mein agar kohli ki captani mein team khitaab jeet jati hai to yeh unke liye acha hoga warna kohli ke khilaaf mazeed sawalaat uthnay lagenge aur hosakta hai ke koi naya captain bhi bana diya jaye. –YTN STAFF