Canberra: Cricket Australia ( CA ) ne West Indies ke khilaaf October ke pehlay haftay mein munaqqid honay wali T20 matches ki mujawaza series ghair muayana muddat ke liye multawi kar di hai. Australia aur West Indies ki teamon ke darmiyan 3 Matches ki Series ke muqablay bal tarteeb 4,6 aur 9 October ku Gold Coast aur mein T20 World Cup se qabal tay thay.
International Cricket Council ( ICC ) ne T20 Mega Event ku Coronavirus ki wajah se 2021 mein dobarah tarteeb diya hai. West Indies ke T20 ki mansookhi se Gold Coast mein bain ul aqwami satah par pehli takheer hui hai. Cairns
mein Casley stadium ko bhi ab kisi bain ul aqwami match ki maizbani karne ke liye thoda entezar karna pade ga. Casley stadium ne aakhri martaba 16 saal qabal Australia aur Srilanka test match ki maizbani ki thi. Ittifaqi tor par Hindustan ko 11,14 aur 17 October mein 3 T20 match khailnay ki ijazat di gayi hai. Is baat ka bohat ziyada imkaan hai ke Hindustan ke khilaaf T20 Match ku December aur January mein honay walay test aur One Day match ke baad hi jagah mil sakay gi.