Melbourne: Australia ke shehar melbourne mein night club ke bahar firing se mutadid afraad ke zakhmi honay ki ittilaaat hain jabkay ibtidayi maloomat mein kisi halakat ki ittila nahi thi lekin tadm tehreer ek halaak aur ki afraad ke zakhmi honay ki ittila hai. tafseelaat ke mutabiq melbourne road par little chapl street ke qareeb yeh firing ka waqea paish aaya hai .
Muqami media ke mutabiq zakhmi afraad ki tadaad 3 se 4 hai jin mein se 2 zakhmion ki haalat naazuk batayi jarahi hai, police ki janib se firing ke waqea ki mazeed tehqiqaat ki ja rahi hain. police ne kaha hai ke firing ki wajah ka abhi tak pata nahi chal saka hai jis ke baais abhi tak koi giraftari amal mein nahi aaski hai .
Police ne apne bayan mein kaha police aur tafteeshi agencies is firing ki tehqiqaat kar rahi hai. tafteesh karon ka maanna hai ke little chapl street aur maal waran street road ke qareeb teen baj kar 10 minute par kayi logoun par firing ki gayi. 4 afraad ko ilaaj ke liye hospital mein daakhil karwaya gaya hai jis mein ek zindagi ki jung haar gaya . – YTN STAFF