Sydney: Labuschange ki nat out aur career ka pehla muqaabla khelne walay Will Pucovski (62) ki shandaar nisf centuries ki badolat Australia ne Hindustan ke khilaaf barish se mutasir teesray test ke pehlay din pehli inning mein din ka khail khatam honay tak 55 over mein 2 wicket ke nuqsaan par 166 run bana ye. Ibtidayi din chand ek lamhaat ke chodh kar Australia ka raha jis mein is ne mohtaat andaaz mein batting karte hue ek himaliyai score ki bunyaad rakhi hai. Hindustan ki janib se Mohammad Siraj aur test mein apne career ka aaghaz karne walay Navdeep saini ne fi kas ek wicket liya.
Australia ki janib se Labuschange ne 149 gaindon mein aath chowkun ki madad se nat out 67 runs bana kar jabkay stevin Smith 64 gaindon mein paanch shandaar chowkun ki madad se 31 runs bana kar crease par mojood hain.
qabal azeen australia ke captain Tim pain ne toss jeet kar pehlay batting karne ka faisla kiya lekin Mohammad Siraj ne inning ke chouthay over ki teesri gaind par opener David Warner ko slip mein cheteshwar Pujara ke hathon catch out karkay 6 runs pehla jhatka diya.
Warner aath gaindon mein paanch run bana kar pavellion lout gaye. Warner ki wapsi se umeed ki jarahi thi ke warner ki wapsi se Australia ko inning ke aaghaz par honay walay masail ka hal mil jaye ga lekin warner ki wapsi ke baad bhi Sydney test ki pehli inning mein yeh masla Mohammad Siraj ki behtareaj bowling hal nahi ho paya. Warner ke jald out honay ke baad umeed ki jarahi thi ke Hindustan ko doosri kamyabi bhi jald mil jayegi aur shayad mil bhi jati agar wicket keeper Rishabh pant Mohammad Siraj aur ashwin ki gaind par do catches nahi chodtay.
Un mawaqay ka faida uthatay hue labuschange aur pehla test khailnay walay opener Pucovski ne doosri wicket ke liye 100 runs se ziyada ki partners ship nibhai. baad azan teesray number par batting karne aaye Labuschange ne Pucovski ka bakhoobi sath diya aur dono ne dheeray dheeray khailtay hue innings ko sambhaalte hue team ke score ko agay badhaya. is darmiyan ruk ruk kar honay wali barish ke sabab khail kayi baar rokna pada aur pehlay din mehez 55 over ka hi khail ho saka. Pucovski aur Labuschange ne dosray wicket ke liye 100 run ki shandaar shiraakat daari ki. Hindustan ki janib se cricket mein career ka aaghaz karne walay fast bowler saini ne Pucovski ko LBW out karkay is shiraakat daari ko toda. Pucovski ne 110 gaindon ka saamna karte hue chaar chowkun ki madad se 62 runs banaye.
Pucovski ko inning mein do martaba mauqa mila. pehli martaba 26 runs ke infiradi score par Pucovski ka ashwin ki gaind par wicket keeper Pant ne ek bohat aasaan sa catch chodh diya jabkay doosri martaba 32 runs par Siraj ki gaind par pant ne hi Pucovski ko pavilion bhejne ka mazeed ek mauqa gawa diya jo ke mehman team ko bhari padha.
Un ke out honay ke baad Smith ne Labuschange ke sath teesray wicket ke liye 60 runs ki ahem partners ship mukammal karli hai lekin is partnership mein Smith 5 chowkun par na qabil taskheer 31 runs Hindustan ke liye khatray ki ghanti hai kyunkay is se qabl test muqablon ki 4 inning mein Smith dohray hindsay ko uboor nah kar sakay. Hindustan ke liye Mohammad Siraj ne 14 overs mein 46 runs aur saini ne 7 overs mein 32 runs ke owaz fi kas ek khiladi ko pavellion ki raah deekhaee.