Bartania mein 87 sala Manny Davison aur un ki 82 sala ahliya Brigitta ko us waqt shadeed dhachka pouncha jab 60 Crores pound maliyat ki meeras haasil karne ke baad un ke betay aur beti ney apne maa baap ko aalishaan ghar se nikaal diya. Ab yeh walidain aur un ki aulaad aik dosray ke khilaaf adalat mein qanooni jung lar rahay hain. Is gharana ke betay aur beti ko milney wali meeras mein aik aalishaan bangla, karodon pound ki jayedad, bhaari miqdaar mein soney jawahraat aur 1. 7 crore pound se ziyada ke nawadiraat aur fun paaray shaamil hain. Many davidson aur un ki ahliya Brigitta ney apni tamam tar doulat properly ke shoba mein din raat mehnat kar ke kamaai. taham ab yeh dono apni 57 sala beti Maxine aur 55 sala betay jerald se adalat mein nabard aazma hain. walidain ney apni beti aur betay ke khilaaf muqadma dair kar rakha hai taa ke woh yaadgaar nawadiraat aur puraney fun paaron ka shaan daar majmoa wapas haasil kar len jo jumla amlaak ke sath un ki aulaad ke paas chala gaya hai. Bartania mein is gharane ke markazi aur Ali shaan ghar “Lyegrove House ” ke hawala se maamla yeh hai ke walidain is ghar ko khandan ke nasal dar nasal makaan ke taur par dekhney ke khwahish mand they. taham 2011 mein davidson aur un ki ahliya monako muntaqil honey ke baad jab 2015 mein watan lautay to un ko is aalishaan ghar se be dakhal kya ja chuka tha. is tanaza ka markazi pehlu woh do” ikhtiyaari trust” hain jo davidson ney 1967 hamza mein baneye they aur –apne betay aur beti ko is ke markazi beneficiaries ke tor par naamzad kar diya tha .
Taham 2011 se khandani taluqaat mein bigaad aana shuru huwa jab ke ziyada tar maal o doulat qanooni tor par davidson ke betay aur beti ke haath mein aati rahi. un ikhtiyaari trsts ke hawala se ikhtilaaf ka tasfia aakhir kaar Maxine aur jerald ke haq mein sun-hwa aur dono walidain khasaray ke haq daar thehray. Albata ab yeh khandan aik baar phir ikhtilaaf ke dairay mein hai aur is martaba is ki bunyaad 600 ke qareeb yaadgaar nawadiraat aur fun paaray hain. Davidson aur Brigitta ke beta aur beti apne walidain ki khatir 1. 7 Crore pound maliyat ki un ashya se kisi taur bhi dast bardaar honey ke khwahish mand nahi hain jab ke yeh raqam dono aulaad ko haasil honey wali majmoi doulat 60 Crore pound ke muqablay mein kuch hesiyat nahi rakhti. Ab Davidson ko is amar par shadeed afsos hai ke unhon ney meeras par tax ke andaishay ke sabab apni aulaad ke liye ikhtiyaari trsts kyun baneye.