Hyderabad: Telangana ki riyasti kabeena mein mah August ke pehlay hafta mein tausi kiye jaaney ka imkaan hai. Zaraye ke mutabiq wazeer aala K Chandashekhar Rao, hukmaran TRS ke teen puranay cheharon ke sath kabeena mein tausi karne ka mansoobah bana rahay hain.
Congress ke aik sabiq rehnuma, jo hukmran jamaat mein shaamil huwe hain, un ko bhi kabeena mein jagah milnay ka imkaan hai. Is baat par zor diya ja raha hai ke yeh tausi 6 August ko hogi.
KT Rama Rao, T Harish Rao aur T Nageshwar Rao, wazeer aala KCR ke Sabiqa daur hukoomat mein wizraa they. Congress ke sabiq leader aur Masheswaram se MLA Sabita Indra Reddy ko bhi imkaan hai ke khawateen ke kota ke tehat kabeena mein jagah di jaye gi.
Imkaan hai ke TRS shehri tanzeemon ke intekhabaat ke baad tausi ke aglay daur mein rukan parliament Gutha Sukhinder Reddy aur dosre ek aur rehnuma ko shaamil karen ge.