Friday, March 29, 2024
HomeSliderAssembly mein bohut jald TRS ko RRR dekhinge; Bandi

Assembly mein bohut jald TRS ko RRR dekhinge; Bandi

Hyderabad: Filmi shayeqeen SS Raja mooli ki badi aur shandar film RRR ke be sabri se intezar kar rahe hai jo ke January 2022 ke pehle hafte mein release hone wali hai lekin Telangana ke khanoon saazon ko is se bohot pehle assembly mein RRR dekhne ko mil sakti hain. Zafrani party Huzurabad zimni inteqabat mein Etela Rajneder ki Jeet ke baad assembly mein apna RRR maidan sajai gi. BJP ke RRR ki tafseelat mein Bandi sanjay ne nishandahi ki Raja Singh Raghu nandan Rao aur Rajender ataala assembly mein RRR honge.

Bandi ne kaha ke Raja Singh Raghu nandan Rao aur Rajender assembly mein hukoomat ke bad unwan tareeqon aur uski nakamiyo ko be naqaab kar ke chief minister KCR ko cinema dekhinge. Bandi ne chief minister ko challenge dete huwe kaha ke woh elaan karein ke aaya woh istefa dene ke liye tayyar hai ya nahi agar TRS ko Huzoorabad zimni inteqabat mein shikast honi hai bandi sankara nandana garden mein ek ijtema se khitab kar rahe the…apni praja samgrama yatra ke pehle marhela ki kamiyabi ki takmeel ke baad Telangana BJP sadar ne apni muhim ka agaaz Huzoorabad mein kiya. BJP high kamaan ne 30 October ko Huzoorabad ke zimni inteqabat ke liye sabiq vazeer etella Rajender ki umeedwari ka elaan kiya hain.

BJP ke riyasati unit ke sadar ne zikr kiya ke chief minister KCR ne is zimni inteqabat ko multawi karne ke koshish ki thi lekin elections commission of india ne riyasati hukoomat ke memorandum ko raddi mein dalte huwe inteqabat ka alamiya jaari kiya bandi ne etemaad zahir kiya ke etela ki Jeet yaqeeni hai. Unho ne logon par zor diya ke woh Telangana ke markazi kirdar etela ki Jeet ko yaqeeni banaye. Unho ne dawa kiya ke TRS qayedeen ne unse fawayed hasil karne ke baad etela nazar andaz kar diya hain.