Hyderabad. Telangana Assembly ki tahleel ko challenge karte hue High Court ke aik wakeel Rapolu Bhaskar ney High Court mein aik writ darkhwast dair ki hai. Schedule se 9 mah qabl Assembly ko tahleel kardainay par darkhwast guzar ney aitraaz kya hai. Unhon ney istadlaal paish kya ke qabl az waqat Assembly tahleel kardainay ke baayis taraqqiati kaam inhitaat ka shikaar ho jaien ge. Unhon ney kaha ke qabl az waqt intikhabaat se crore ha rupay awaami fund ka beja kharch hoga. Unhon ney High Court se istedua ki ke Election Commission ko hidayat di jaye ke maujooda Assembly ki 5 sala meyaad ki takmeel ke bad hi intikhabaat munaqqid kiye jayen. Iss writ darkhwast par samaat mangal ko hogi.