Kolkata: Maghribi Bengal ki siyasat may Asaduddin ki Party AIMIM ke dukhool ke pesh-e-nazar, Bengal ki wazeer-e-aala Mamata Benarjee ne peer ke roz Termunal Congress karkunaan ke sath meeting may ”Aqletoun may intahaa pasandi ka zikar kiya., Asaduddin Owaisi ka naam liye baghir kaha tha ke Hyderabad ki ek siyasi jamaat BJP se pesey le kar aqlitoun may intahaa pasandi phailaati hai.
Mamata Banerjee ke ilzaam ke baad un ke jawab may, AIMIM ke sarbarah Asaduddin Owaisi ne kaha ”ih mazhabi intahaa pasandi nahi hai ke, Human Development index may Bengal ke musalman kisi bhi aqliat se bad tar haalat may hai“.
Owaisi ne kaha ke agar didi Hyderabad ke logoun se bohat ghamzdaa hain, to inhen batana chahiye ke Lok Sabha may BJP ne maghribi Bengal ki 42 may se 18 nashistoun par kaisay kamyabi haasil ki. Owaisi ne kaha ke mere khilaaf ilzamaat aed karkay, Mamata Banerjee maghribi Bengal ke musalmanoun ko ye pegham bhaij rahi hain ke Owaisi ki Party riyasat may ek mazboot taaqat ban’nay wali hai. Mamata Banerjee is terhan ke tabsere kar ke apna khauf aur mayoosi zaher kar rahi hain.
Owaisi ne kaha ke ”agar Trinamool Congress ki sarbarah aqliati intahaa pasandi ke baray may apne khadshaat may imandaar hain, to unhoun ne Rohingya musalmanoun ko kyun nahi nikala, jo shiddat pasandoun ke siwa kuch nahi hain. unhoun ne kaha ke iske bar-aks, wo un ko Tax dahindgaan ke paisoun ke sath laad pyar kar rahi hain. –YTN STAFF