Bangalore: All India Majlis-e-Ittehadul Muslimeen ke sadar Asaduddin Owaisi ki mojoodgi aur awaami ijlaas mein Pakistan zindah baad ke naaroun ne ek naya tanaza ched diya hai. Bangloru mein kalay qanoon shehriat tarmeemi qanoon ke mukhalif ehtijaj mein Pakistan zindah abad naaray ke baad zabardast hungama dekhnay ko mila.
Banglore shehar ke Freedom Park mein hue is ehtejaji jalsa mein Pakistan zindah abad ka naara Amulya nami ladki ne lagaya. All India Majlis-e-Ittehadul Muslimeen ke sarbarah Asaduddin Owaisi ki mojoodgi mein achanak is ladki ne jab naara lagaya, To fori tor par Asaduddin Owaisi aur ijlaas ke muntazmeen uth khaday hue. Ladki ke haath se Mic chean liya gaya. Stage par Police pohanchi aur Amulya ko hirasat mein le liya.
Hungama aarai ke baad Asaduddin Owaisi ijlaas ke muntazmeen par baras pade. Owaisi ne kaha ke is tanaza se un ka aur un ki Party ka koi talluq nahi hai. Asaduddin Owaisi ne kaha ke hum jab tak zindah rahen ge Hindustan zindah abad ke naaray lagatay rahen ge. Pakistan se nah talluq tha aur nah koi talluq rahay ga.
Wazeh rahay ke Bangloru ki samaji karkun Amulya CAA mukhalif ahtejajoun mein hissa le rahi hain. Is tanaza ke baad Amulya ko fori tor par Police station le jaya gaya. Doosri janib Asaduddin Owaisi sameit ijlaas mein mojood deegar muqarareen ne Amulya ki harkat ki sakht muzammat ki.
Qabil zikar hai ke Hindu, Muslim, Sikh, Isaai Federation nami tanzeem ne is ijlaas ka ineqad kiya tha. Ijlaas ki sadarat sabiq wazeer e azam H. D. Deve Gowda ko karni thi, Lekin Deve Gowda is ijlaas mein shaamil nahi hue. AIMIM aur JDS ke chand Muslim leaders ijlaas mein mojod the. Ulma aur samaji kagonoun badi tadaad mein mojood they. Freedom park mein munaqidah ijlaas mein hazaroun ki tadaad mein loog puhanche they. –YTN STAFF