Hyderabad : All India majlis-e-ittehaad ul muslimeen (A.I.M.I.M) ke sarbarah Asad Uddin Owaisi ne Pakistan se hafta ko kaha ke wo Kashmir muamloun may mudakhlat karna band kere.
Unhon ne ye bhi kaha ke Kashmir hindustan ka atot hissa hai aur bana rahe ga. Hyderabad ke member of parliament Asad Uddin Owaisi ne kaha ke markaz may chahay congress ho, ya BJP . Kashmir waadi may halaat ko behtar bana ne ke liye un ke paas koi hikmat-e- amali aur nazariye nahi hai.
Unhon ne kaha ke mujhe lagta hai ke Kashmir per hikmat-e-amali may istehkaam rehni chahiye, lekin bad qismati se is ki kami hai.
Unhon ne ek report ka hawala dete hue kaha ke BJP ki qayadat aur hikmat-e-amali wali markazi hukoomat kashmiri panditon ke liye kuch nahi kar rahi hai.