Hyderabad : Kul hind majlis-e-ittehaad ul muslimin ke saddar wo rukan-e-parliament Hyderabad Asaduddin Owaisi ney mangal ke roz Dabeerpura mein jari naaley ko chaudha karne ke kamon ka muaina kiya . GHMC ki janib se Dabeerpura darwaaza se Ganga Nagar nala tak 1.98 crore rupaye ki laagat se naala ki choudai ka kaam sir-e-anjaam diya ja raha hai, jis mein naala ki towsee, desilting, deewar ki taamer aur CC slab shaamil hain.
Owaisi ney charminar zonal commissionaire Srinivas reddy se naala ke kaam ki tafseelaat maloom kee aur baldia ke ohdedaron se darkhwast ki ke woh naala ke kamon mein tezi layein aur inhen jald se jald mukammal karen.
Unhon ney ohdedaron se yeh bhi darkhwast ki ke woh Muharram ke douran traffic aur aqeedat mandoun ko pareshan nah karen, kyunkay naala BiBi ka Alawa ke qareeb road se mut-tasil hai. unke hamrah rukan assembly Yaqut pura Syed Ahmed Pasha qadri, MLC Riaz al Hassan Effendi , zonal commissionaire Srinivas reddy, party Corporators aur GHMC aur HMWSB ke ohdedar bhi moujood the. –YTN STAFF