Arunachal Pradesh: Lok sabha intikhabaat se qabal BJP ko ek bada jhatka laga hai. Shumal mashriqi riyasat Arunachal Pradesh mein 2 wazraa sameit 12 arkaan assembly ne BJP chod kar national peoples party) mein shaamil honay ka elaan kiya hai .
Riyasat mein honay walay assembly intikhabaat mein BJP ke zareya party ke reyasti general secretary Gamilan Jarpore , wazeer-e-dakhla Kumar, wazeer-e-sayahat Jarkar gamilan aur kayi deegar arkaan-e-assembly ko ticket nahi diye jany ke baad baday paimanay par party chodne ki yeh baat samnay aayi hai .
Wazeh rahay ke riyasat Arunachal Pradesh ki 60 assembly nishiston mein se 54 ke liye umidwaron ke naamon ko BJP parlimani board ne itwaar ko mohar laga di. Riyasat mein 11 April ko lok sabha ke sath sath assembly intikhabaat bhi ho rahay hain. umidwaron ke naamon ka elaan honay ke baad party ke reyasti general secretary Gamilan jarpore ne BJPki Arunachal unit ke sadar ko apna istifa bhaij diya .
National Peoples Party ( NPP ) ke ek Senior leader ne kaha ke ja porm, Jarker , kumar y aur BJP ke 12 mojooda arkaan-e-assembly ne NPP ki general secretary Thomas sangma se mangal ko mulaqaat ki aur NPP mein shaamil honay ka faisla kiya .