Hyderabad : Telangana JAC ke saddar Kondaram nay aaj kaha ke Article 370 ko mansookh karna masla Kashmir ka der pa hal nahi hoga. Unhon nay kaha ke markaz ko is baat ka khayaal rakhna chahiye ke mutanazia maslay ko hal karte hue koi aur pareshani paeda na ho.
Article 370 ko khatam karne ke baaray mein parliment mein markazi wazeer-e-dakhla Amit Shah ke aelaan par media numaindoun se baat karte hue unhon nay kaha ke markaz nay is faislay ke baaray mein kuch nahi bataya. unhoun naay kaha ke sirf article 370 ko mansookh karne se masla hal nahi hoga. unhoun nay mazeed kaha ke markaz nay yeh wazahat nahi ki ke masla Kashmir kyun ek bura masla ban gaya.
Kondaram nay yeh bhi kaha ke markaz ko is masla ka mustaqil hal talaash karne ke liye iqdamaat karne honge. unhon nay kaha ke sirf usay khatam karne se is mein barray paemanay par tabdeelian nahi ayengi. hamein Telangana ke qiyam se sabaq seekhnay ki zaroorat hai, kyunkay taqseem ke mamlaat abhi bhi moujood hain. –YTN STAFF