Sunday, April 14, 2024
HomeLatest NewsArticle 370 ki bahali ke liye jad-o-jehad jari rakhen ge: Mehbooba Mufti

Article 370 ki bahali ke liye jad-o-jehad jari rakhen ge: Mehbooba Mufti

Srinagar: Jammu Kashmir ki sabiq wazeer aala aur PDP sadar Mehbooba Mufti Jinhein 14 mah ke baad nazar bandi se reha kiya gaya tha Article 370 ki bahaali aur masla Kashmir ke hal ke liye apni jad-o-jehad jari rakhnay ka azm kiya hai. Mehbooba ne kaha ke markaz ka 5 August Article 370 ka faisla din ki roshni mein daketi tha.

60 sala Mehbooba Mufti ne kaha ke hum sab ko yeh ehad karna hai ke hum guzashta saal 5 August ko ghair qanooni, Ghair jamhoori aur ghair ayeeni tor par Jammu Kashmir ki khusoosi hesiyat cheani gayi cheez ko wapas len ge. Hamein masla Kashmir ke hal ke liye bhi kaam karna pade ga jis ke liye hazaron afraad ne apni jaanun ka nazrana pesh kiya hai.

PDP rehnuma Mehbooba Mufti ne kaha yeh kaam aasaan nahi hoga kyunkay is raah mein mushkilaat pesh ayen gi lekin is jad-o-jehad mein hamara istiqamat aur azm hamaray madadgaar saabit hoga.

Markaz ne Jammu Kashmir ki khusoosi hesiyat khatam kar di thi aur guzashta saal 5 August ko usay markazi ilaqon mein taqseem kardiya tha. Mehbooba ne mukhtalif jailon mein qaid kashmirion ki rihayi ka bhi mutalba kiya.

Mehbooba ko mangal ki raat ko reha kiya gaya tha jab is ke baad markazi ilaqa intizamia ne un ke khilaaf Public Safety Act ke ilzamaat ko kaladam qarar day diya gaya, Mehbooba Mufti ko usay Jammu Kashmir ki khusoosi hesiyat ke khatmay ke baad hirasat mein liya gaya tha.