Argentina ke sabiq Naayeb Sadar Amado Boudou ko badunwanion aur rishwat khori ke jurm mein 5 saal 10 mah qaid ki saza sunadi gayi hai. Argentina ke sabiq Naayeb Sadar Amado Boudouko mangal ke roz badunwanion ke ilzamaat saabit honay par 5 saal 10 mah qaid ki saza sunai gayi hai. Un par rishwat lainay aur sarkari mamlaat mein be zabtagyon ka ilzaam hai. Amado ko wifaqi foujdaari adalat se ” Ciccone case” ke silsila mein saza sunai gayi hai, un par ilzaam tha ke unhon nay apni mann pasand ”Ciccone Printing Company” ko sarkari thaika dlwaya jis ke badlay is Company se Commission wusool kya. Ciccone Printing Company Argentina ki wahid niji company hai jo sarkari currency note chaapti hai. Amado par 90 hazaar Pesos (3,214US$) jurmana kya gaya hai. Is ke alawa Amado par zindagi bhar keliye kisi bhi qisam ka sarkari ohda rakhnay par bhi pabandi aayed kar di gayi hai. Amado Boudou ney 2011 se 2015 tak Argentina ki Sadar Christina Fernandez ke sath khidmaat anjaam di theen. Amado par bud unwani ka muqadma 2012 se chal rhatha, is case mein ”Ciccone Printers ke sabiq maalik Nicholas Ciccone ko bhi mujrim qaraar diya gaya tha. Amado Boudou ney khud par lagaye gaye tamam ilzamaat ki tardeed karte hue kaha hai ke sayasatdan jo taaqatwar rastay par chaltay hain, inhen pehlay to media baad azan adalti nizaam ka saamna karna parta hai. Argentina ki Anti Corruption Agency ki sarbarah Laura Alonso ney is muqadmay ki samaat ki aur kaha ke Argentina ki tareekh mein pehli baar Naayeb Sadar ko saza huvi hai, Argentina ki Adalat ab badunwaan logon ko saza dainay ke liye khud mukhtaar hai jis ke umoor mein mudakhilat ki sarbrahِ e Mumlikat ko bhi ijazat nahi. Wazeh rahay ke Amado Boudou ney apni saza ke khilaaf appeal daayer karne ka elaan bhi kya hai.