Hyderabad: Commissioner Task Force East Zone ke Police ahalkaron ney aaj 2 badmashoun ko girftar kar liya, jo mubayyana tor par araazi ke indraaj ke jaali dastawizaat tayyar karne aur logoun ko dhoka dainay mein mulawis they. Police ney unke qabza se puranay ghair adalti stamp papers, rubber ke daak ticket aur deegar mawaad zabt kar liya.
Aik khufia ittela par karwai karte huwe Police ney 62 sala Karanti Suresh Lumar, Al-awwal ke rehaishi amlaak business mean aur 40 sala Mohammad Ali , Secunderabad adalat mein dastawizaat ke musannif ko pakad liya. Aik aur mulzim 40 sala Satish mafroor hai.
Additional Deputy Commissioner of Police S Chetaniya Kumar ney bataya ke Suresh aur Mohammad Ali Secunderabad adalat ke qareeb licence Yafta stamp farosh hain, aur ghair adalti stamp paper farokht karte hain. Mulzimaan ko Gandhi Nagar Police Station ke hawalay kar diya gaya. –YTN STAFF