Siddipet : Apne hi bachoun ko qatal karne ke baad Telangana ke zila Siddipet ki jail mein qaid ek khatoon ney Khudkushi karli. tafseelaat ke mutabiq muqami Ganesh nagar ki rehne wali khatoon Saroja ney 25 May ko apne do bachoun, paanch sala aarin aur dhai sala Haresh ke mun mein kapda thoons kar sharaab ki bottle un ke pait mein ghomp diya tha, jiske nateeja mein dono bachay mauqa par hi halaak ho gay they.
Is be rehmanah qatal ki wajah shohar, biwi ke aapsi jhagde bataaye gayi thi. bachon ke qatal ke baad is khatoon ney apne aap ko police ke hawalay kar diya tha. tab se yeh khatoon Siddipet ki jail mein qaid thi.
Zaraye ke mutabiq khatoon ke is iqdaam ke baad is ke rishta daaron ney is se rishta khatam kar liya tha. aur jail mein milnay bhi koi nahi araha tha. aakhir-kaar is khatoon ney baath room mein apni sari ki madad se phansi le kar Khudkushi kar li. –YTN STAFF