Amravati: AP mein Yatra ke liye aayi Roosi khatoon ko wapas bhejnay ke liye Mamta Foundation Tirupati ki janib se intizamaa kiye jarahay hain jo maali aur deegar masail ki wajah se yahan phas gayi thi. Mamta Foundation is ki maali aur dosray tareeqon se madad ke liye agay aaya hai.
Is Foundation ke ohdedaron ne is khatoon ke liye qiyam-o-ta-aam ka intizam kiya. Foundation ke ohdedaron ne musarrat ka izhaar karte hue kaha ke Roosi khatoon ne un ki maheman nawazi ko qubool kiya aur un ke sath qiyam ke liye razamand hogayi. Unhoun ne nishandahi ki ke wo is khatoon ki bah hifazat wapsi ko yakeeni banayen ge. Is Roosi 32 sala khatoon ki shanakht Esther ke tour par ki gayi hai jis ne is silsila mein khabar dukhaay jane par mashoor Telugu Channels ki sataish ki.