Amravati: CBI jo AP ke sabiq wazeer Vivekananda Reddy ke qatal maamla ki jaanch kar rahi hai, Ney aaj is maamla ki jaanch ke hissa ke tour par un ke makaan ki talashi li. Qabal azeen ye 7 rukni team aaj subah Kadapa se Pulivendala pohanchi taakay is maamla ki jaanch ki jasakay. CBI ke ohdedaroun ney Pulivendala mein DSP ke daftar poanch kar tafseelaat haasil kee.
Is team ne 15 March 2019 ko police ki janib se darj kardah maamla ki tafseelaat ke sath sath SIT ke ohdedaroun ki jaanch Report ka bhi jaiza liya. SIT ke ohdedaroun ne is maamla mein pehlay hi 1300 afraad bashmole seyastdanoun, YS Congress aur TDS ke leaders se pooch tach ki. CBI ke ohdedaroun ne jaanch report ka tafseeli jaiza liya aur baad azan Vivekananda Reddy ke makaan puhanche jahan unhoun ne dosray din bhi talaash jari rakhi. Unhoun ney makaan ke Bathroom aur Bed Rooms ka bhi tafseeli jaiza liya. Baad azan is team ke arkaan ney maqtool Vivekananda Reddy ki ahliya se bhi tafseelaat maloom karte hue un ka indraaj kiya. Is mauqa par Pulivendala baldia ke Surveyor ney makaan ki pemaiesh ka kaam kiya. Team ney makaan aur khaidkion ka tafseeli muaina ki.