Amaravati: CBI ne high court ki hidaayat par AP ke sabiq wazeer YS Vivekananda Reddy ke qatal maamla ki jaanch jari rakhi hai. CBI ke ohdedaron ne jaanch ke hissa ke tour par zila kadapa ke peli vendla mein waqay sabiq vazir ke makaan ka muaina kiya . baad azan un ohdedaron ne peli vendala mein DSP ke daftar pohanch kar tafseelaat haasil kee
Vivekananda reddy, mutahidda AP ke sabiq wazeer-e-aala YS Raj shekhar reddy ki bhai they jinka guzashta saal 15 March ko peli vendala mein waqay unki qyamgah per badi hi be-dardi ke sath qatal kardiya gaya tha.
AP high court ki rolling ke char mah baad jaanch agency ne is maamla ki jaanch shuru ki.
High court nay is maamla ki CBI ko jaanch hawalay karne ki Hidayat di thi. Ta-haal taqreeban 1300 mushtaba afraad se SIT nay pooch gach ki hai. 3 mushtaba afraad ka narko onlines test karwaya gaya taham jaanch karne walay ohdedar is maamla mein asal qatilon ki nishandahi nahi kar sakay. Vivekananda Reddy ki Dukhtar sunita nay high court se rujoo hotay hue is maamla ki CBI jaanch krwane ki Hidayat denay ki khwahish ki thi. adalat nay 11 March ko yeh maamla CBI ke hawalay kardiya tha .