Madrid: Barcelona ke Star Ansu Fati International Goal Score karne walay Spain ke sab se kam omar khiladi ban gaye, Unhoun nay apna pehla bain ul aqwami Goal Ukraine ke khilaaf kiya. Fati ki omar 17 saal aur 311 din hai. Ansu Fati nay Juan Errazquin ka 95 sala qadeem Record toad diya. Juan nay 1925 mein 18 saal ki omar mein Switzerland ke khilaaf Goal kiya. Corona ke darmain kheli jane wali National League mein Spain nay Ukraine ko 4-0 se shikast di . Sergio Ramos ne teesray aur 29 we minute mein team ke liye 2 Goal score kiye. Choutha Goal Ferran Torres ne 84 we minute mein kiya. Yeh Fati ka dosra bain ul aqwami match tha. Unhoun ne Germany ke khilaaf Debu kiya tha jis mein woh Goal nahi kar sakay they. Spain aur Germany ki team 1-1 se barabar rahi. Barcelona ke Star footballer Ansu Fati ne rawan season ke 42 matches mein 12 Goal score kiye hain. Is douran unhoun ne haspanwi league League ke 24 matchon mein 7 aur UEFA Youth league ke 9 matches mein 4 Goal score kiye hain.
Ek aur moqable mein UEFA Nations league mein Portugal ne Croatia ko 4-1 ki shikast se dochar kar diya, Zakhmi Cristiano Ronaldo ki adam shirkat ke baais Goal ki century mukammal nah kar sakay. Teams Portugal aur Croatia mad-muqabil huven group ae teams, Match ka aaghaz dilchasp andaaz mein huwa, 41 we minute Cancello ne Goal kar ke Portugal ko bartari dilae match ka pehla half mein. Dosray half mein bartari samete khiladion ne mazeed 3 Goal kar diye, Croatia ki taraf se wahid score Petković ne kiya Portugal nay 4-1 ki kamyabi ko yaadgar banaya. Captain Cristiano Ronaldo zakhmi honay ke baais is muqablay mein shirkat nah kar sakay aur super star ko Goal ki century mukammal karne ke liye mazeed intezaar karna pad gaya.