Hyderabad : Telugu Desam party ke senior rehnuma aur sabiq andhra pradesh assembly ke speaker Dr Kodela Siva Prasada Rao ne peer ke roz, Banjara hills mein waqay apne ghar mein mubayyana tor par khudkushi kar li.
Woh 72 saal ke they unke ahal-e-khanah ne inhen Banjara hills mein Basavatarakam Indo-American Cancer Hospital pohanchaya. jahan par hospital hukkaam ne bataya ke sabiq AP speaker ki mout dil ka doura padhne se hui. kaha ja raha hai ke doctoron ne inhen bachanay ki poori koshish ki thi, lekin woh bacha nahi paye.
Kodela guzashta haftay aleel ho gaye they aur inhen Guntur mean dil ki beemari ke sabab hospital mein daakhil kiya gaya tha, woh ilaaj ke baad hyderabad wapas aagaye they. Banjara hills police ne Banjara hills mein waqay Kodela siva Prasad ke ghar ka doura kiya aur mubayyana tor par khudkushi ka muqadma darj kar liya, aur sakht security ke beech Kodela ki laash ko post mortem ke liye Osmania Hospital bhej diya. –YTN STAFF