Hyderabad: Andhra Pradesh aur Telangana ke wazraye aala ne peer ko yahan shehriat tarmeemi act ke khilaaf mulk bhar mein honay walay ehtijaj ke tanazur mein qaumi satah par taaza tareen siyasi pesh raft samait mukhtalif umoor par tabadlah khayaal kiya. Vijayawada se yahan uturney ke baad, Andhra Pradesh ke wazeer aala Y.S. Jagan Mohan Reddy apne Telangana ke hum mansab, K Chandarshekhar Rao ki sarkari rahaish gaah Pragati Bhavan chalay gaye.
Chandarshekhar Rao ne Jagan Reddy ka purtpaak istaqbaal kiya, Aur dopehar ke khanay ki maizbani ki. Is ke baad dono qaideen ne mukhtalif umoor par tabadlah khayaal kiya. Agarchay ke un qaideen ki mulaqaat ke agenday ka bazabta elaan nahi kiya gaya tha, Lekin dono rehnumao ne CAA, NRC aur NPR ke khilaaf jari ehtijaj ke pesh e nazar markaz mein siyasi peshraft par tabadlah khayaal kiya.
Imkaan hai ke dono wazraye aala CAA aur is se mutaliq umoor par tabadlah karen ge taakay mulk geer muzahiroun ke baad ek qadam uthaya ja sakay. Chandarshekhar Rao ki Telangana Rashtria Samithi ( TRS ) ne parliament mein is bil ke khilaaf vote diya tha. Jabkay YSR congress party ( YSRCP ) ne is bil ki taied ki thi.
Ye bhi imkaan hai ke mukhtalif tabqaat khaskar musalmanoun ki janib se NPR ko roknay ke mutalbe ke pesh e nazar NPR ke amal ko rokain ge. Kyunkay wo usay NRC ke liye pehla qadam mantay hain. Yakam April se NPR par kaam te hai.
Telangana ke wazeer aala par Kerala aur maghribi Bengal ke zarey NPR ko bar qarar rakhnay ke liye un ki ittihadi jamaat AIMIM aur deegar Muslim garohoun ka dabao hai. Rao NRC aur NPR par khamoshi ikhtiyar karne par tanqidoun ka nishana ban chuke hain. Shehriat tarmeemi bill ki himayat karne par parliament mein tanqeed ka nishana ban’nay walay Jagan Mohan Reddy ne guzashta mah wazeh kiya tha ke wo aqlitoun ke sath imtiazi sulooq karne walay NRC ya markaz ke kisi aur iqdaam ki himayat nahi karen ge.
Guzashta saal May mein iqtidaar sanbhalne ke baad Chandrashekhar Rao aur jagan Reddy ke mabain ye chothi mulaqaat hai. Is se pehlay ki Mitna goun mein 2014 mein ghair munqasim Andhra Pradesh ki taqseem aur darya ke pani ke ishtiraaq se mutaliq umoor par tavajja di gayi thi. –YTN STAFF