Dubai: Americi Yahodi Committee ( AJC ) ne Mutahidda Arab Emarat mein arab duniya ka apna pehla daftar kholnay ke mansoobon ka elaan kiya hai. Maroof Americi Yahodi waqalat tanzeem ne sadar Donald Trump ki koshish se 13 August ko honay walay tareekhi muahiday ke baad Mutahidda Arab Emarat ke daftar kholnay ke apne mansoobon ka elaan kiya hai. Sheikh Mohammed bin Zayed Al Nahyan, Abu Dhabi ke wali Ahad shehzada aur Mutahidda Arab Emarat ke deputy supreme commander musallah afwaj aur Wazeer-e-Azam Benjamin Netanyahu Mutahidda Arab Emarat aur Israel mukammal safarti taluqaat qaim karen ge.
ACJ Website par ek sarkari sahafti bayan ke mutabiq Mutahidda Arab Emirate mein AJC ke daftar ke baarey mein mansoobah bandi ek saal se jari hai. Mutahidda Arab Emirate ka daftar is ACJ ki 13 wahn bain ul aqwami markaz banaye ga. Jari kardah ailamiye mein kaha gaya hai ke AJC ke wafood ny kam se kam 20 saal se har saal Mutahidda Arab Emirate ka dora kiya hai aur wahan aur America mein aala ohdedaron, Karobari aur bain ul qaid rehnumao, Sifarat karon aur policy tajzia nigaron se baqaidagi se mushawarat ki hai.
Americi Yahodi Committee ke Chief Policy aur siyasi umoor ke afsar Jason Isaacson ne Agency ki Arab rasai koshisho ki qayadat ki hai. Is elaan par tabsarah karte hue America mein Mutahidda Arab Emarat ke safeer Yousef Al Otaiba ne kaha mulk ki tashkeel se pehlay hi Mutahidda Arab Emarat ke muashray ne rawadari aur shamoliat ki hosla afzai ki hai. JJ ke darina guftagu aur Mutahidda Arab Emarat ke sath mashghooliat ne nateeja khaiz kirdaar ada kiya hai. Hum is elaan ka khermaqdam karte hain.
AJC ke elaan ke jawab mein, Reyasthaye Mutahidda mein Mutahidda Arab Emarat ke sefartkhane ney Twit kiya hai jis mein kaha gaya hai ke hum AJC ke daftar ke qaya ka khermaqdam karte hain aur mustaqbil mein bhi mil kar kaam karne ke muntazir hain. AJC aur Mutahidda Arab Emarat ke sath mashghooliat ney kayi salon mein nateeja khaiz kirdar ada kiya hai, Hamaray rawadari aur shamoliat ke vision ke mutabiq nataij haasil ho rahay hain.