Washington: Americi riyasat janoobi Dakota mein hawai jahaaz ke haadsay mein 2 bachoun sameit 9 afraad halaak aur 3 zakhmi ho gay. National Transportation Safety Board ( NTSB ) ke ek ohdedar Peter Knudson ne bataya ke ek Pilatus, PC. 12 tayyarah jis mein 12 afraad sawaar they, Qareeb 12 :30 bajey gir kar tabah ho gaya. It-tila-aat ke mutabiq, Halaak honay waloun mein 2 bachay aur 1 Pilot shaamil hain. NTSB ne Twitter par kaha ke wo is haadsay ki tehqiqaat kar raha hai.
Pilatus PC. 12 tayyarah ko ek pilot ke zariye udaya ja sakta hai aur Jet ko design karne wali Pilatus Air Craft Limited ki Website se haasil kardah maloomat ke mutabiq is mein 10 musafir sawaar ho saktay hain. -YTN STAFF